Mádenıet jáne sport mınıstrligi Til saıasaty komıteti Etno-mádenı birlestikter ókilderiniń qatysýymen 30 qyrkúıek kúni 11:00-de onlaın rejımde áQazaq tilin ultaralyq qatynas tiline aınaldyrýdyń tıimdi joldaryá taqyrybynda semınar-keńes ótkizedi.

Sharanyń maqsaty – memleket basshysynyń Qazaqstan halqyna joldaýyndaǵy qazaq tiliniń memlekettik til retindegi rólin kúsheıip, ultaralyq qatynas tiline aınaldyrý týraly ıdeıasyn jáne halyq únine qulaq asatyn memleket mindetin júzege asyrý joldaryn qarastyrý.

Atalǵan semınar-keńes prezıdenttiń "Ana tili" gazetine bergen arnaıy suqbatynan týyndaıtyn "Qazaq tilin jaqsy biletin ózge ult ókilderin qoldaý" týraly tapsyrmasyn júzege asyrý men qazaq tilin eldegi ultaralyq qatynas tiline aınaldyrý baǵytyndaǵy usynystardy talqylaý, sheshý joldaryn aıqyndaýdy maqsat etip kózdeıdi.

Onlaın bas qosýda Qazaqstan Respýblıkasy Parlamentiniń depýtattary, etno-mádenı birlestiktiń basshylary men oqytýshylary pikir almasyp, usynystaryn aıtady.

Sharada Pavlodar oblystyq evreı etno-mádenı birlestiginiń tóraǵasy Tatána Slıvınskaıa, "Vatra" Ýkraın mádenı ortalyǵynyń tóraǵasy Taras Chernega, "Qyrǵyzstan-Astana" qoǵamdyq birlestiginiń tóraǵasy Shavkat Ismaılov, "KAZAKH INVEST" UK AQ baspasóz hatshysy Nıkolaı Pýtılın baıandama jasaıdy.