İshki ister mınıstri Erlan Turǵymbaev quqyq qorǵaý organy karantın rejımin kúsheıtýge, qoǵamdyq tártipti qorǵaýǵa ázir ekenin habarlady, dep jazady Today.kz.
Onyń sózinshe, osy ýaqytqa deıin 11 myń 800-den astam adam maska rejımin buzǵan.
Dárilik zattardy zańsyz jasaý boıynsha 933 derektiń joly kesildi. 98 myń qaptama preparat, jarty mıllıon shamasyndaǵy maska, 41,8 myń medısınalyq buıym zańsyz aınalymnan shyǵarylǵan,.
Turǵymbaev sondaı-aq Atyraý jáne Aqtóbe oblystarynda blokpost qoıylǵany týraly aqparatty joqqa shyǵardy. Sózinshe, Atyraý oblysy Jylyoı aýdany Teńiz eldimekenindegi blokbeket naýryz aıynan beri tur. Al Aqtóbe oblysyndaǵy Reseımen shekaralas aýdandarǵa sanıtar-karantındik beketter aqpan aıynda qoıylǵan.
Pikir qaldyrý