Túrkıada 9 jasar qazaqstandyq bala kólik qaǵyp ketýi saldarynan kóz jumdy. Bul týraly Yenialanya portaly habarlady. Qazaqstannyń syrtqy ister mınıstrligi oqıǵany rastady.
Portaldyń málimetinshe, oqıǵa 28 qyrkúıek kúni jergilikti ýaqytpen 14:00 shamasynda Antalıa provınsıasyndaǵy Alanıa aýdany Qarǵydjaq aýylynda bolǵan.
Kólik balany ata-anasymen joldan ótip bara jatqanda qaqqan. Soqqynyń joıqyn bolǵany sonshalyq, bala birneshe metrge ushyp ketken. Kólik balany qaqqannan keıin, janar-jaǵarmaı quıý beketine soǵylǵan. Oqıǵa ornyna jyldam jetken medısına brıgadasy balany aýrýhanaǵa jetkizgenimen, ony aman saqtap qala almady. Oqıǵaǵa kináliler ustaldy.
Pikir qaldyrý