Densaýlyq saqtaý mınıstri Alekseı Soı koronavırýs pandemıasyna baılanysty Qazaqstanda 5 qazannan bastap engiziletin jańa shekteýler týraly málimdedi. Bul týraly ol ortalyq komýnıkasıalar qyzmetinde ótken brıfıńte aıtty.

– Infeksıanyń aldyn alý maqsatynda vedomstvoaralyq komısıa 2020 jyldyń 5 qazanynan bastap kelesi sheshimderdi qabyldady:

• Basqa eldermen áýe qatynasyn qalpyna keltirýdi toqtata turý;
• Áýe qatynasy jańartylǵan eldermen reıster sanyn kóbeıtpeý;
• Túrkıaǵa reıster sanyn azaıtý.

Ekinshi sanattaǵy elderden keletin azamattarǵa mynadaı talaptar qoıylady:

• termometrmen ólsheý;
• anketa toltyrý;
• koronavırýs juqtyrmaǵanyn rastaıtyn anyqtama (onyń alynǵanyna úsh kúnnen aspaý kerek).

Anyqtama qaǵazy bolmaǵan jaǵdaıda azamat karantın stasıonaryna eki kúnge jatqyzylady jáne COVID-19 anyqtaıtyn laboratorıalyq taldaý jasalady. Nátıjesi shyqqan soń, juqtyrǵany rastalsa, ınfeksıalyq stasıonarǵa jatqyzylady, – dedi mınıstr Soı.

Aıta keteıik, İİ sanattaǵy elder qataryna: Shveısarıa, Ulybrıtanıa, Polsha, Italıa, Majarstan, Aýstrıa, Nıderland, Shvesıa, Rýmynıa, Chehıa, Grekıa, Túrkıa, BAÁ, Saýd Arabıasy, Úndistan, Armenıa, Reseı, Ózbekstan, Ýkraına, Qyrǵyzstan, Tájikstan elderi engizildi.