Densaýlyq saqtaý mınıstri Alekseı Soı koronavırýs ınfeksıasynan qansha medısına qyzmetkeriniń qaıtys bolǵanyn aıtyp, medısına qyzmetkerlerine ótemaqy tóleý jaǵy týraly málimdeme jasady.

– Ókinishke qaraı, pandemıa bastalǵaly Qazaqstan 182 medısına qyzmetkerinen aıyryldy. Óńirlik komısıalar búginde qaıtys bolǵan dárigerlerdiń týystarynan 58 ótinish boıynsha ótemaqy alýyn maquldady. Qazirgi ýaqytta 36 otbasy ótemaqy aldy. Bul baǵyttaǵy jumystar da jalǵasýda, – dedi ol.

Onyń aıtýynsha, 2020 jylǵy 30 qyrkúıekte COVID-19 jáne pnevmonıamen aýyratyn 12 830 medısına qyzmetkeri tirkelgen.

– Koronavırýs jáne pnevmonıamen aýyratyn 12 830 medısına qyzmetkeri  ishinde: 8 339 jaǵdaıy kásibı qyzmetpen baılanysty tirkeldi. Óńirlik komısıalar 8 320 isti qarady jáne mundaı jaǵdaılardyń 67%-yn rastady.  Búgingi tańda medısınalyq qyzmetkerlerdiń 88%-y nemese aımaqtyq komısıa deńgeıinde rastalǵan jaǵdaılardyń 3 454-i COVID-19 boıynsha ótemaqy aldy, – dep atap aıtty Alekseı Soı.