Búgin Ońtústik Qazaqstan oblysy İshki saıasaty basqarmasynyń basshysy Berik Ýálı myrza "Nur Otan" partıasy Tóraǵasynyń Birinshi orynbasarynyń keńesshisi qyzmetine taǵaıyndaldy. Endigi jerde bas partıanyń aqparattyq-ıdeologıalyq jumysyna jaýapty laýazymǵa ıe bolǵan Berik Ýálı myrzanyń jańa qyzmetke taǵaıyndalǵany týraly aqparatty saıasattanýshy Jarqyn Túsipbekuly óziniń «Feısbýk» áleýmettik jelisindegi paraqshasynda jazǵan. Bul týraly «Qamshy» portaly habarlaıdy.
Esterińizge sala keteıik, osyǵan deıin OQO ákimi Asqar Myrzahmetov Memlekettegi bıleýshi partıanyń birinshi orynbasary qyzmetine aýysqannan beri qoǵamdyq ortada jáne qazaqstandyq BAQ-ta oblystaǵy ishki saıasattyń tizginin ustap otyrǵan Berik Qurmanǵalıulynyń da «komandalyq» jasaqpen Nur Otanǵa aýysýy múmkin degen sybys tarala bastaǵan. Óz kezeginde «Qamshy» portaly da Berik Ýálı myrzanyń oblystaǵy ishki saıasatta jasap jatqan jumystaryna ádil, synı pikirlerin berip keldi degen oıdamyz.
Esterińizde bolsa, belgili jýrnalıs Berik Qurmanǵalıuly 2014 jyldyń maýsymynda Ońtústik Qazaqstan oblysy İshki saıasat basqarmasyna basshy bolyp taǵaıyndalǵan bolatyn.
Berik Ýálı memlekettik qyzmettegi alǵashqy baspaldaǵyn OQO ákimi apparaty basshysynyń orynbasary- oblys ákiminiń baspasóz hatshysy bolyp jemisti bastaǵan bolatyn. Bul jaýaptylyǵy men mańyzy zor jańa qyzmetinde de, ult múddesi úshin talaı ıgi isterdi atqaratynyna kúmánimiz joq. Berik myrzanyń bas partıanyń ıdeologıalyq saıasatyna tyń serpin qosyp, jańa bastamalarymen halyqtyń qamy úshin súbeli sharýalar atqaratyny sózsiz. Ár jyldary óziniń jýrnalısik qyrymen tanylyp, halyqtyń súıispenshiligine ıe bolǵan Berik Qurmanǵalıulyna jańa qyzmette tabystar tileımiz. Ultshyl azamattardyń bıleýshi partıaǵa kelýin biz jaqsylyqqa joryp otyrmyz.
Nurgeldi Ábdiǵanıuly
