Almaty oblysynda eki jasar búldirshin óli kúıinde tabyldy. Bul týraly Polisia.kz portaly habarlady.

Saıttyń málimetinshe, 5 qazan kúni saǵat 16:00 shamasynda Qaratal aýdandyq polısıa bólimshesine Úshtóbe qalasyndaǵy jeke úıden eki jasar balanyń óli denesi tabylǵany habarlanǵan. Bul jaǵdaı qylmystyq kodekstiń 99-baby 3-bóligi ("Jas balany óltirý") boıynsha tirkelgen.

"Polısıaǵa balanyń anasynyń týǵan ápkesi habarlasqan. Onyń aıtýynsha, ol shilde aıynan beri jıenin kórmegen. Qaıda ekenin suraǵanda, Taldyqorǵan qalasyna tárbıeshige bergenin aıtyp, úıine kirgizbegen. İshteı kúdiktengen ápkesi ol joq kezde tereze arqyly úıge kirip, muzdatqyshtan jıeniniń máıitin tapqan" delingen saıt málimetinde.

Polıseıler dereý kúdiktini izdestirý sharalaryn júrgizdi. Birneshe saǵat ishinde Úshtóbe qalasynyń 27 jastaǵy turǵyny ustaldy. Kúdikti ulyn óltirgenin moıyndaǵan. Áıeldiń aıtýynsha, ol balanyń ákesimen ajyrasqan. Kúdikti ýaqytsha ustaý ızolátoryna qamaldy.