Memleket basshysy Qasym-Jomart Toqaevtyń baqylaýymen Almaty oblysynda Qazaqstan qarýly kúshteri tarıhyndaǵy alǵashqy keshendi bitimgershilik oqý-jattyǵýlary aıaqtaldy, dep habarlady Aqorda saıty.

Saıt málimetinshe, oqý-jattyǵý aıaqtalǵannan keıin joǵarǵy bas qolbasshy áskerı qyzmetkerlerdiń aldynda sóz sóılegen. Ol qazirgi zamanǵy qazaqstandyq armıa erjúrek babalarymyzdan muraǵa qalǵanyn, ony umytpaý keregin aıtty. 

Prezıdenttiń aıtýynsha, álemde beıbitshilikti qamtamasyz etý úshin Qazaqstan bitimgershilik mıassıalaryn qaqtyǵys, janjal aımaqtaryna únemi jiberip otyrady.

– Yntymaqtastyq pen seriktestik – bizdiń basty basymdyǵymyz. Sizder halyqaralyq qaýipsizdikti nyǵaıtýǵa úlken úles qostyńyzdar. Bitimger bolý –beıbitshilik elshisi bolý. Sizder bul tapsyrmany adal oryndadyńyzdar. Osyndaı jattyǵýlardyń arqasynda áskerı sheberlikti arttyrasyzdar. Bizdiń armıamyzdyń jaýyngerlik rýhy men dańqy tarta túsetinine senimdimin, – dedi Toqaev

Ol elbasy qurǵan qarýly kúshterdiń bitimgershilik qyzmeti is júzinde elimizdiń beıbitshilik, halyqaralyq qaýipsizdik jáne turaqtylyq qaǵıdattaryna beriktigin kórsetetinin atap aıtty.