2006 jylǵy úlgidegi 2000, 5000 jáne 10000 teńgelik banknottardy aınalymnan alýdyń tórt jyldyq kezeńi aıaqtaldy. Bul týraly Qazaqstannyń ulttyq banki habarlady.
Bank málimetinshe, banknottar 2006 jylǵy 15 qarashada aınalymǵa shyǵarylyp, 2016 jylǵy 4 qazannan bastap zańdy tólem quraly bolýyn toqtatqan.
"Ekinshi deńgeıdegi bankter, ulttyq poshta operatory jáne ulttyq banktiń fılıaldary joǵaryda atalǵan banknottardy qabyldap, ulttyq valútanyń qoldanystaǵy aqsha belgilerine aıyrbastady. Aıyrbastaý kezeńi tórt jylǵa sozyldy.
Aınalymnan alý merziminiń aıaqtalýyna baılanysty 2006 jylǵy úlgidegi nomınaldary 2000, 5000 jáne 10000 teńgelik banknottar Qazaqstannyń búkil aýmaǵynda, onyń ishinde ekinshi deńgeıdegi bankterdiń, ulttyq poshta operatorynyń jáne ulttyq banktiń fılıaldarynda qabyldanbaıdy jáne aıyrbastalmaıdy" delingen habarlamada.
Pikir qaldyrý