Qazaqstanǵa koronavırýsty emdeıtin dári-dármekter jetkizildi. «Shevron» kompanıasy Qazaqstan Respýblıkasy Densaýlyq saqtaý mınıstrligine dári-dármekti satyp alýǵa jáne jetkizýge kómek kórsetti.

«Shevron» korporasıasynyń bastamasy aıasynda indetke shaldyqqandardy emdeýge qajetti dári-dármekterdiń birinshi toptamasy Almaty qalasyna kelip jetti. «Shevron» bul medısınalyq dárilerdi Qazaqstan Respýblıkasy Densaýlyq saqtaý mınıstrligine kórsetilgen gýmanıtarlyq kómek aıasynda satyp alǵan.

–  «Shevron» kompanıasy únemi áleýmettik qoldaý tanytady. Sizder Qazaqstandaǵy ózekti máselelerge eshqashan beı-jaı qaramaısyzdar. Sizderge elimizge kórsetken gýmanıtarlyq kómek úshin, dáriler úshin alǵys aıtqym keledi. Qazaqstandaǵy koronavırýstyq ınfeksıa men pnevmonıa indetiniń taralýyn biz birigip toqtata alamyz, – dedi Densaýlyq saqtaý mınıstri Alekseı Soı.

– «Shevron» kompanıasynyń atynan men Almaty qalasyna dári-dármekterdiń birinshi toptamasy kelgenin qýanyshpen habarlaımyn, olar Qazaqstan emhanalary men aýrýhanalaryndaǵy pasıentterge jetkiziletin bolady. Osy qaıyrymdylyq jobasy arqyly biz Qazaqstan halqyna kúrdeli ýaqytta qoldaý kórsetýdi maqsat ettik, – dedi kompanıanyń Eýrazıa bólimshesiniń basqarýshy dırektory Djon Balts.

Qaıyrymdylyq sharasy Qazaqstan Respýblıkasyna COVID-19 indetimen kúresýge ıgi yqpalyn tıgizeri sózsiz. Memlekettiń pandemıaǵa qarsy kúresine kómektesý úshin «Shevron» kompanıasy Densaýlyq saqtaý mınıstrligimen birlese otyryp, Qazaqstanǵa asa qajetti dári-dármekter tizimin qurdy. Dári-dármekti jetkizýmen qatar bul baǵdarlama medısınalyq jabdyqty satyp alý men jetkizýdi qarastyrady. Budan bólek, indetke shaldyqqandardy emdeý kýrsyna oqytý máselesin de qamtıdy. Aıta keteıik, «Shevron» korporasıasy - álemdegi jetekshi biriktirilgen energetıkalyq kompanıalardyń biri. Búkil álemde bıznesin júrgizetin enshiles kompanıalary arqyly kompanıa energetıka salasynyń barlyq túrlerine qatysady. «Shevron» shıki munaı men tabıǵı gazdy zertteıdi, óndiredi jáne tasymaldaıdy, kólik otyny men janarmaıdy tazartady, naryqqa shyǵarady jáne taratady; munaı-hımıalyq zattar men qospalardy óndiredi; qýat óndiredi jáne kompanıa operasıalarynyń barlyq salalaryndaǵy bıznes qundylyqtaryn arttyratyn tehnologıalardy ázirleıdi jáne qoldanady. «Shevron» kompanıasynyń bas keńsesi San Ramon qalasynda (AQSH, Kalıfornıa shtaty) ornalasqan.