Qyrǵyzstannyń jańa premer-mınıstri Sadyr Japarov eldegi keıbir depýtattardyń Almatyǵa qashyp ketkenin aıtty. Bul týraly 24kg saıty habarlady.

Onyń aıtýynsha, 6 qazanǵa qaraǵan túni bolǵan oqıǵa revolúsıaǵa jatpaıdy.

– Tóńkeris dep prezıdent pen basqa da zańdy tulǵalar qashqan kezde bılikti basyp alýdy aıtady. Bizde bıliktiń aýysýy halyqtyń tolqýy arqyly bolǵanymen, zańdy túrde boldy. Tek parlament depýtattary ǵana qashyp ketti, – dedi ol Jogorký Keneshtiń (parlament) kezekten tys otyrysynda.

Depýtattar bul málimdemege narazy bolǵan. Ózine aıtylǵan eskertýlerden keıin Japarov "olaı aıtqym kelmedi" dedi.

– Keshirińizder, men keıbir halyq depýtattarynyń Almatyǵa qashyp ketkenin estidim. Keıbireýler olardyń sol jerde ekenin aıtady, – dep aıtty ol.