Qazaqstannyń ishki ister mınıstri Erlan Turǵymbaev sońǵy ýaqytta balalarǵa jasalyp jatqan qylmys túrleriniń artyp bara jatqanyna alańdaýshylyq bildirdi.

Mınıstr Almaty oblysy Úshtóbe qalasynda eki jastaǵy balasyn muzdatqyshqa salyp qoıǵan ananyń áreketi týraly aıtty.

"Meniń tájirıbemde, jumys barysynda, ókinishke oraı, jantúrshigerlik jaǵdaılar men qylmystar az bolǵan joq. Biraq, qatigez ananyń mundaı qandyqol qylmysqa barýy –  kóp suraqty jaýapsyz qaldyrýda. Búgingi tańda tergeý amaldary júrip jatyr. Óz balasynyń ómirin ózi qıǵan ana zańdy jazasyn alady. Biraq, mańyzdysy ol emes. Mańyzdysy – balanyń jazyǵy qandaı? Aıtýǵa aýyz barmaıtyn mundaı qylmystar nege jasalady? Búgingi tańda sharasyz sharanany qoqysqa tastaıtyn, balalardy dalada qaldyratyn, tipti qol jumsaıtyn faktiler jıilep ketti. Buǵan nazar aýdarmasaq bolmaıdy! Balalar – bizdiń bolashaǵymyz. Sondyqtan olardy aman-esen baǵyp, ósirý – ár azamattyń moınyndaǵy paryz!" delingen mınıstrdiń facebook-tegi jazbasynda.