Koronavırýstyń qaıtadan órship ketpeýin úshin Chehıa mektepterdi, barlar men klýbtardy úsh aptaǵa ishinara jaýyp jatyr.

Aımaqtaǵy 100 myń adamǵa shaqqandaǵy eń joǵary ınfeksıa deńgeıi Chehıada tirkelgen. Sol sebepti meıramhanalar jabylyp, alkogóldi ishimdikter satýǵa tyıym salynady.

Nıderlandyda ishinara lokdaýn jarıalandy jáne jabyq oryndarda maska kıý mindetti boldy.

Sonymen qatar, kóptegen elderde aýrýhanaǵa túskender kúrt ósýde.

"Parıjdegi aýrýhanalardv kelesi aptanyń aıaǵynda qarqyndy terapıa tósekteriniń 90%-y tolyp ketýi múmkin" dep eskertti Fransıa memlekettik aýrýhanalar tobynyń basshysy Martın Hırsh.

"Prezıdent Emmanýel Makron sársenbide qosymsha shekteýler týraly jarıalaıdy" dep kútilýde. Jergilikti buqaralyq aqparat quraldarynyń habarlaýynsha, "qyzý núkteler" sanalatyn qalalar, sonyń ishinde Parıjde, keshki komendanttyq saǵat ornaýy múmkin.

Buǵan deıin Germanıa kansleri Angela Merkel Eýropadaǵy jaǵdaıdy "úlken alańdaýshylyqpen baqylap otyrǵanyn" jetkizip, "jaǵdaı áli de kúrdeli bolyp tur dep aıtýǵa májbúrmin" degen bolatyn.