14 qazan kúni Almaty oblysy İle aýdany Boraldaı kentindegi óndiristik aımaqqa baspasóz-týry uıymdastyryldy.
Týr barysynda kent ákimi Danıar Qońyrbaev Boraldaıdaǵy biregeı óndiristik aımaq jobasymen tanystyrdy.
Joba Qazaqstanda úzdik dep tanylǵan.
Ony júzege asyrý úshin búdjetten 16 mlrd teńge kóleminde qarjy qajet. Atalǵan qarjy óndiristik aımaqqa jaryq, sý, gaz, káriz júıesin tartýǵa, jol jasaýǵa baǵyttalmaq.
Joba tolyq kólemde iske qosylǵanda myńnan astam adamdy turaqty jumyspen qamtymaq.
Óndiristik joba men Boraldaı kentinde atqarylyp jatqan ózge de ister týraly, olarǵa turǵyndardyń berer baǵasy jaıly Qamshynyń "Ákimiń kim" baǵdarlamasynda tolyq baıandalady.
