Aıjan Serikbaıqyzy Esmaǵambetova densaýlyq saqtaý mınıstrliginiń sanıtarlyq-epıdemıologıalyq baqylaý komıtetiniń tóraıymy qyzmetine taǵaıyndaldy. Bul týraly premer-mınıstrdiń baspasóz qyzmeti habarlady.

Aıjan Esmaǵambetova 1972 jyly Almaty oblysynda dúnıege kelgen.

1997 jyly Almaty memlekettik medısına ýnıversıtetin gıgıenıst dáriger, epıdemıolog mamandyǵy boıynsha támamdaǵan.

Eńbek jolyn 1990 jyly Almaty qalasy №7 emhanasynda feldsher-zerthanashy bolyp bastaǵan.

1997-2004 jyldary Respýblıkalyq sanıtarlyq-epıdemıologıalyq stansıanyń asa qaýipti ınfeksıalar bóliminde dáriger-epıdemıolog, dáriger-bakterıolog, zerthana meńgerýshisi bolyp jumys istegen.

2004-2014 jyldary QR DSM Memlekettik sanıtarlyq-epıdemıologıalyq qadaǵalaý komıtetiniń qurylymynda jetekshi mamannan bastap tóraıymǵa deıin túrli laýazymdardy atqarǵan. 2014 jyly – QR Tutynýshylardyń quqyqtaryn qorǵaý agenttiginiń epıdemıologıalyq qadaǵalaý departamentiniń dırektory – bas memlekettik sanıtarlyq dárigerdiń orynbasary.

2014-2017 jyldary — QR UEM Tutynýshylardyń quqyqtaryn qorǵaý komıtetiniń epıdemıologıalyq qadaǵalaý basqarmasynyń basshysy. 

2017 jyly — QR DSM strategıalyq damý jáne qoǵamdyq densaýlyq saqtaý departamentiniń dırektory.

2017-2020 jyldary — QR qoǵamdyq densaýlyq saqtaý saıasaty departamentiniń dırektory.

2020 jylǵy 23 maýsymnan bastap qazirgi ýaqytqa deıin densaýlyq saqtaý mınıstrligi taýarlar men kórsetiletin qyzmetterdiń sapasy men qaýipsizdigin baqylaý komıteti tóraǵasynyń orynbasary qyzmetin atqardy.