Ázerbaıjan prezıdenti Ilham Álıev eldiń ekinshi úlken qalasy Gandjanǵa shabýyl jasalǵannan keıin Armenıaǵa qarsy soqqy berýge ýáde berdi. Bul týraly Ál-Jazıra telearnasy habarlady.
Álıevtiń aıtýynsha, Ázerbaıjan armıasy Armenıaǵa soqqy beredi jáne "urys alańynda kek alady".
Al Túrkıa Armenıanyń shabýylyn "áskerı qylmys" dep atady.
– Armenıa "áskerı qylmys" jasap jatyr jáne "qatygezdik" úshin jaýap berýi kerek, – dep jazdy Túrkıanyń syrtqy ister mınıstri Mevlút Chavýshoglý Twitter-de.
Buǵan deıin Ázerbaıjannyń bas prokýratýrasy "Ganjaǵa zymyran shabýylynan 13 beıbit turǵyn qaza taýyp, 40-tan astam adam jaralandy" dep habarlaǵan.
Pikir qaldyrý