Italıada koronavırýs derekteri kóbeıýine baılanysty shekteýlerdi kúsheıtetin jańa sharalar jarıalandy.

Maska kıgen premer-mınıstr Djýzeppe Konte bul sharalar "jańa lokdaýn boldyrmaý úshin" qajet dep málimdedi.

Saǵat 21:00-den keıin ákimder qoǵamdyq oryndardy jabý boıynsha ókilettikterge ıe bolady jáne meıramhanalardyń jumys ýaqyty men toptardyń sanyna baqylaý kúsheıedi.

Bul áreketter Italıada ekinshi kún qatarynan eń joǵary táýliktik ınfeksıa juqtyrý tirkelýine baılynsty qolǵa alynǵan.

Italıada jeksenbide 11705 jańa jaǵdaı anyqtalǵan. Pandemıa bastalǵan kezde Italıa Eýropadaǵy eń qatty zardap shekken el boldy. Qazir onda 414 000 rastalǵan koronavırýs jaǵdaılary tirkeldi. Italıada pandemıadan qaza tapqandar sany 36 500-ge jetip, Covid-19 ólim jitim sany jaǵynan Eýropadaǵy Ulybrıtanıadan keıingi ekinshi oryndaǵy zardap shegýshi el boldy.