Almaty qalasynyń bas dárigeri Kamaljan Nadyrov qyzmetinen ketti. Bul týraly qalalyq ákimdiktiń baspasóz qyzmeti habarlady.

"Kamaljan Nadyrov aǵymdaǵy maýsym aıynan bastap Almatynyń qoǵamdyq densaýlyq basqarmasynyń basshysy laýazymynda boldy. Óziniń jeke ótinishi boıynsha K. Nadyrov bul qyzmetten bosatyldy" delingen aqparattyq habarlamada.

Nadyrov 1983 jyly Almaty qalasynda dúnıege kelgen. S. Asfendıarov atyndaǵy qazaq memlekettik medısınalyq ýnıversıtetin, Turan ýnıversıtetin, qoǵamdyq densaýlyq saqtaýdyń joǵary mektebin támamdaǵan.

2007–2014 jyldary B.O. Jarbosynov atyndaǵy Ýrologıa ǵylymı ortalyǵynda klınıkalyq ordınator, bólim meńgerýshisi, bas dırektordyń orynbasary qyzmetterin atqarǵan.