Búgin Májilis Tóraǵasy Nurlan Nyǵmatýlın jalpy otyrystyń kún tártibin qaraýǵa kirispes buryn  Memleket Basshysy Qasym-Jomart Kemeluly Toqaevtyń Parlament Májilisi depýtattarynyń kezekti saılaýyn taǵaıyndaý týraly Jarlyqqa qol qoıǵanyn atap ótti. 

– Árıne, Parlament saılaýy ol bizdiń elimiz úshin de, bizdiń halqymyz úshin de óte mańyzdy saıası qadam. Sebebi parlamenttik saılaý elimizdegi barlyq saıası partıalardyń, óz baǵdarlamalaryn tanystyrýǵa jáne halyqtyń senimine ıe bolýǵa úlken múmkindik beredi. Sondyqtan aldaǵy saılaý demokratıany nyǵaıtýǵa, qoǵamdyq yntymaqtastyqty kúsheıtýge jáne elimizdiń damýyna jańa serpin beredi dep senemiz, – dedi Nyǵmatýlın.  

Sonymen qatar Nurlan Nyǵmatýlın Parlamenttiń kelesi shaqyrylymy jumysyn bastaǵanǵa deıin qazirgi depýtattyq korpýs elimizdi odan ári damytý jáne ilgeriletý úshin zańnamalyq bazany qalyptastyrýdy jalǵastyra beretinin jetkizdi. 

Eske sala keteıik, Parlament Májilisiniń kezekti saılaýy 2021 jylǵy 10 qańtarǵa belgilendi.