Qazaqstandyq qoǵamda daýlardy negizinen sot arqyly retteý keń taralǵanyn taldaý nátıjeleri kórsetip otyr. Bul azamattar men sottar úshin úlken máselege aınalýda, taraptar ýaqyty men qarajatyn joǵaltyp, sot júıesin aýyrlatady. Statısıka boıynsha sotqa deıingi retteý úlesi 2%-dan aspaıdy. 2019 jyly 2,6 mln daýdyń 40 myńy medıasıa arqyly sheshildi. Bul týraly QR prezıdenti janyndaǵy ortalyq komýnıkasıa qyzmeti habarlady. 

– Osyǵan baılanysty, Memleket basshysy óz Joldaýynda aıtqandaı «sottan tys» jáne «sotqa deıingi» daýlardy retteý ınstıtýttaryn damytý qajet. Bul óz kezeginde azamattar arasynda janjaldy ýshyqtyrmaı, júıke tozdyrmaı,ýaqyt pen qarjyny shyǵyndamaı jyldam sheshýge múmkindik beredi, – dedi Aqparat jáne qoǵamdyq damý mınıstri Aıda Balaeva Prezıdenttiń halyqqa Joldaýynyń negizgi qaǵıdalaryn túsindirý jónindegi baspasóz konferensıasy barysynda.

Aqparat jáne qoǵamdyq damý mınıstrligi medıasıa máselesinde AQSH, Ulybrıtanıa, Germanıa, Shveısarıa sıaqty aldyńǵy qatarly elderdiń úzdik dástúrlerine súıenýge nıetti.