Almatynyń memlekettik bas sanıtar dárigeri Jandarbek Bekshın búginnen bastap qalada kınoteatrlardyń ashylatynyn málimdedi. Bul týraly ol onlaın brıfıńte aıtty.

– Osy jyldyń 26 qazanynan bastap kınoteatrlardyń qyzmetine ruqsat etildi. Ol úshin Infokazakhstan.kz portalynda tirkelý kerek, kıno zaldaryndaǵy adam sany barlyq oryndardyń 30 paıyzynan aspaýy qajet. Maska rejımin, áleýmettik qashyqtyq saqtaý mindetti. Kınoteatrlar Qazaqstan bas sanıtar dárigeriniń №57 qaýlysynyń talaptaryn saqtaýǵa mindetti, – deıdi Bekshın.

Sondaı-aq búginnen bastap Atyraý men Aqtaý qalalarynda kınoteatrlardyń ashylǵany habarlanǵan. Eki qalada kınoteatrlarǵa sanıtarlyq-epıdemıologıalyq normalar men talaptardy saqtaı otyryp jumys isteýge resmı túrde ruqsat etildi.