Serik Aıdarbekov 1975 jyly Mańǵystaý oblysynyń Jańa-Ózen qalasynda dúnıege kelgen. Bilimi joǵary.

 

1996 jyly Ál-Farabı atyndaǵy Qazaq memlekettik ulttyq ýnıversıtetin, 1998 jyly Qazaq memlekettik ulttyq ýnıversıtetin, 1999 jyly E.Matteı atyndaǵy joǵary mektepti (Mılan qalasy, Italıa), 2004 jyly Q.Sátbaev atyndaǵy Qazaq ulttyq-tehnıkalyq ýnıversıtetin aıaqtaǵan. Ekonomıka ǵylymdarynyń kandıdaty.

 

Ekonomıs, taý ken ınjeneri-munaıshy mamandyqtaryn meńgergen Serik Aıdarbekov eńbek jolyn Almaty qalasynda ınvestısıalyq saıasat departamentiniń jetekshi mamandyǵynan bastady.

 

Ár jyldary «Qazaqoıl» JAQ Ulttyq munaı kompanıasyna jobalardy basqarý departametiniń birlesken basqarý sektorynyń aǵa taldaýshysy, QR Premer-Mınıstr Keńsesiniń ónerkásip jáne ınfraqurylym óndiristik bóliminiń keńesshisi, «Agip KCO» kompanıasy, Gaaga qalasy (Nıderlandy) qazaqstandyq úlesin damytý jónindegi departamentiniń eksperımentaldyq baǵdarlama jobasynda qazaqstandyq úlesin damytý jónindegi keńesshisi, menedjeri (bólim bastyǵy), «Kaspıan Enerdjı Reserch» JSHS bıznesti damytý jónindegi dırektory, «PaýerKomm» JSHS bas dırektory, «Samuryq» memlekettik aktıvterdi basqarý jónindegi qazaqstandyq holdıńtiń munaı-gaz aktıvterin basqarý jónindegi toptyń bas sarapshysy, Premer-Mınıstr keńesshisi, Premer-mınıstri keńsesi ındýstrıaldy-ınnovasıalyq damý bóliminiń meńgerýshisi, Atyraý oblysy ákiminiń orynbasary, Atyraý qalasynyń ákimi, Prezıdent Ákimshiliginiń memlekettik ınspektory, Prezıdent Ákimshiliginiń Memlekettik baqylaý jáne aýmaqtyq-uıymdastyrý jumysy bólimi meńgerýshisiniń orynbasary laýazymdarynda boldy.

 

Atyraý oblysy ákiminiń birinshi orynbasarlyǵyna taǵaıyndalǵanǵa deıin Serik Aıdarbekov Qazaqstan Respýblıkasy Parlamenti Májilisi apparatynyń basshysy laýazymynda bolǵan.

 

Eńbek jolyndaǵy tabystary úshin «Qurmet» ordenimen nagradtalǵan Serik Aıdarbekov aǵylshyn, ıtalán tilderin jetik meńgergen.