2020 jyldyń 1 qazanynda Almaty qalasy ákimdiginde qala basshysy men aýdan basshylarynyń qatysýymen Qalalyq ardagerler keńesiniń aktıvimen kezdesý ótti.

Kezdesý barysynda ardagerler keńesiniń qyzmeti talqylanyp, ózekti máseleler tyńdaldy. Almaty qalalyq ardagerler keńesiniń tóraǵasy Aqan Bıjanov óz sózinde karantın sharalaryna qaramastan ardagerler keńesi belsendi jumysyn jalǵastyryp kele jatqanyn atap ótti.

«Bizdiń ardagerler jastarmen únemi kezdesip otyrdy. Aǵymdaǵy jyldyń aqpan aıynda Abaıdyń 175 jyldyǵyna arnalǵan Naýryzbaı aýdanynyń barlyq mektepteriniń oqýshylarymen kezdesý ótti. Jetisý aýdanynda ardagerlerdiń belsendi qatysýymen Uly Otan soǵysyndaǵy Jeńistiń 75 jyldyǵyna arnalǵan oqýshylarmen kezdesý ótip, oqýshylardy Jas panfılovshylar qataryna qabyldady», — dedi A. Bıjanov.

A.Bıjanovtyń aıtýynsha, Almaty qalalyq jáne aýdandyq ardagerler keńesteri áleýmettik máseleler boıynsha qart adamdardy sporttyq-saýyqtyrý jáne bos ýaqyt is-sharalaryna tartý jumystaryn júrgizýde.

Sondaı-aq, ardagerler ózderin tolǵandyratyn máselelermen bólisti. Sonymen Almaty qalasy Medeý aýdandyq ardagerler keńesiniń tóraǵasy Kım Serikbaev Keńes quramynda 8 qalalyq qoǵamdyq komısıa jumys isteıtinin atap ótti. Bul ortalyqtarda egde jastaǵy adamdar jumys isteıdi jáne búgingi kúni materıaldyq-tehnıkalyq qamtamasyz etý máselesi ótkir bolyp tur.

Naýryzbaı aýdandyq ardagerler keńesiniń tóraǵasy Mádenıet Qarkenov aýdanda áli kúnge deıin sheshilmegen máseleler bar ekenin atap ótti.

«4 jyl ishinde aýdanda kóptegen jumystar atqaryldy, degenmen problemalar áli de bar. Naýryzbaı aýdany jas aýdan, stadıony joq, jastar men qarttardyń bos ýaqytyn ótkizýge, qala turǵyndarynyń demalýyna arnalǵan demalys oryndary jetkiliksiz», — dedi M. Qarkenov.

Qorytyndylaı kele, Almaty qalasy ákiminiń orynbasary Maqsat Kıkımov ardagerlerdiń barlyq kótergen máseleleri men tilekteri óz sheshimin tabatynyn aıtty. Ol sondaı-aq ardagerlerdi Halyqaralyq qarttar kúnimen quttyqtap, olarǵa densaýlyq pen uzaq ómir tiledi.