Indıra Rasylhannyń «Qoshtasý» atty ánine baılanysty úlken daý týdy. Indıranyń atalmysh ánin jas ánshi Janar Daýkeeva ruqsatsyz urlap alyp, óziniń áni retinde halyqqa tanystyrǵan. Bul týraly "Qamshy" portaly baistars.kz-ke silteme jasaı otyryp habarlaıdy.

Osy oraıda Indıra Rasylhannyń Janarǵa degen ókpesi qara qazandaı.

«Meniń osy ánimdi  ruqsatymsyz aıtyp júrgenin búgin estip, ózim tań qaldym. Sonda bizde ánshiniń qadiri qaıda qaldy degen oı qatty mazalap otyr. Aıtylyp qoıǵan ánniń arqasynda tanymal bolǵysy kelip júrgen ol — Janar Daýkeeva. Arǵy jaǵyn ózderińiz saralańyzdar», — dep ánshi renishin bildirdi.

Bul máselege baılanysty Aqbota Kerimbekova da óz pikirin bildire otyryp, Janarǵa ándi óz oryndaýshysyna qaıtarýy kerek ekenin aıtty.

«Bul ándi  týǵan kúnime oraı Baýyrjan eń alǵash maǵan ózi syılaǵan bolatyn. Keıinnen Indıra sińilim ándi qatty unatqan soń oǵan syıladym. Ónerde, halyqtyń aldynda júrgendikten án úshin urysyp, talaspaıyq. Bul ándi Indıranyń ózi oryndaǵany durys dep esepteımin. Sondyqtan Janar renjispeı ánin Indıranyń ózine qaıtaryńyz», —  dedi Aqbota.