Jaqynda amerıkalyq «Gollývýdtyń» www.hollywoodreporter.com saıty «Oskar: qazaqstandyq «Jat» shet tilindegi fılm kategorıasy boıynsha qatysýǵa múmkindik aldy» (Oscars: Kazakhstan Selects 'Stranger' for Foreign-Language Category) atty maqala jarıalaǵan. Bul týraly «Qamshy» portaly habarlaıdy.
2013 jyly Amerıka kınoakademıasy syılyǵyn alǵan Ermek Tursynovtyń «Jat» kıno kartınasy Torontodaǵy kınofestıvalǵa joldama alyp, qyrkúıek aıynda fılmniń premerasy atalmysh festıválde ótedi.
Amerıkalyq www.hollywoodreporter.com saıty, Qazaqstan úzdik sheteldik Oskarǵa óz kandıdatýrasyn jarıalady. Ol Ermek Tursynovtyń «Jat» (Stranger) týyndysy, dep jazady.
Bul Ermektiń Oskarǵa joldama alǵan úshinshi kartınasy. Osyǵan deıin 2010 jyly «Kelin» fılmi báıgeniń irikteý kózeńinen ótip, 2013 jyly Shal (Old Man) qatysqan bolatyn.
Qyrkúıekte Toronta qalasyndaǵy kınofestıvalde álemdik premerasy ótetin «Jat» fılmi qazaq kóshpendileriniń qatal ortadaǵy ómiri týraly 105 mınýttyq zertteý jumysynyń qorytyndysy bolyp tabylady.
Fılm ómir súrý úshin úńgirge tyǵylyp, 30-shy jyldardyń ashtyǵyn kórgen, sodan aman qalǵan Nurymbet pen Erjannyń ǵumyry týraly jáne stalındik deportasıalaý jáne dúnıe júzilik soǵys kezindegi ózi qoǵamnyń ókili bolǵan İlıastyń ómiri týraly baıandalady.
Esterińizde bolsa, «Qamshy» portaly «Ermek Tursynovtyń taǵy bir týyndysy Oskardan úmitti» atty maqala jarıalaǵan bolatyn.
Iá, osy ýaqytqa deıin qazaqstandyq kartınalardyń Brısben festıváline de sońǵy ret qashan qatysqany belgisiz. Al óz kezeginde Brısben – ol «Azıa Oskary» ekenin eskersek, qazaqstandyq rejıserlerge toqyraý kelgen be dep oılap qalýymyz ábden múmkin edi. Osyǵan deıin Oskar shaqyrtý bergen úsh kartınanyń da avtory Ermek Tursynov ekenin eskersek, bul da jaman kórsetkish emes-ti. Al osy jolǵy Torontoda ótetin Halyqaralyq kınofestıvalge (Toronto International Film Festival) Tursynovtyń taǵy bir týyndysyna shaqyrtý berip, halyqaralyq akademıa óz atynan usynýy kóńil qýantarlyq jańalyq bolǵany jasyryn emes. Taǵy bir aıta ketetini, «Jat» - Dolby Atmos kópkanaldy dybysty formatynda túsirilgen tuńǵysh qazaqstandyq kartına.
Aǵylshyn tilinen aýdarǵan Nurgeldi Ábdiǵanıuly
