22 qazanda Almaty qalasy óńirlik komýnıkasıalar qyzmetiniń uıymdastyrýymen Alataý aýdanynda aýdan ákimi Azamat Qaldybekovtyń qatysýymen baspasóz týry jáne baspasóz konferensıasy ótti.
Memleket basshysy Qasym-Jomart Kemeluly Toqaev óziniń «Jańa jaǵdaıdaǵy Qazaqstan: is-qımyl kezeńi» Joldaýynda teńdestirilgen aýmaqtyq damý týraly atap ótti. Almaty qalasynyń ákimi Baqytjan Saǵyntaevtyń Almatyny damytý strategıasy aıasynda «shetsiz qala» qaǵıdasyna erekshe kóńil bóletini belgili, onyń maqsaty — jatyn aýdandardy damytý, megapolıstiń barlyq aýdandarynda turǵylyqty jerine qaramastan halyqtyń joǵary ómir súrý standarttaryn qamtamasyz etý.
Alataý aýdanynda burynnan turǵyndar tarapynan birneshe ret kóterilip kele jatqan jobalar júzege asyrylyp, máseleler sheshilýde.
Baspasóz týry barysynda qatysýshylar «halyq únine qulaq asatyn memleket» tujyrymdamasyn iske asyrý aıasynda ashylǵan Alataý aýdany ákimi apparatynyń ǵımaratyndaǵy «Ashyq ákimdik» front-ofısine bardy. Jobanyń basty maqsaty — memlekettik organdardyń azamattar úshin qoljetimdiligin arttyrý, kedergisiz orta qalyptastyrý, halyqqa «bir tereze» qaǵıdaty boıynsha qyzmet kórsetý.
«Munda 4 bólim bar-abattandyrý, turǵyn úı-kommýnaldyq sharýashylyq, kásipkerlik jáne áleýmettik sala. Sonymen qatar, aýdan ákimdiginiń quzyretine kirmeıtin máseleler de bar. Bul jer qatynastary, sáýlet jáne basqa qalalyq basqarmalarǵa qatysty máseleler. Osyǵan baılanysty biz osy mamandardyń jumysyn uıymdastyrýdamyz, olar aptasyna eki ret qala turǵyndaryn qabyldaıdy. Aýdandyq keńse de osynda ornalasqan, suraqtardy jınap, tıisti basqarmaǵa jiberedi», — dep atap ótti aýdan ákimi A. Qaldybekov.
Odan ári baspasóz týryna qatysýshylarǵa «Alataý analary» qorynyń úlgisinde halyqtyń áleýmettik-sezimtal toptaryna kómek kórsetetin qoǵamdyq qorlardyń qyzmeti tanystyryldy. Qorda tiginshi, vızajıst, shashtaraz, kirpikti uzartý mamany bolyp 12 ana jumys isteıdi. Qor sonymen qatar áıelder men balalardy tigin isine, kosmetologıaǵa, bıge, mýzykalyq aspaptarǵa úıretýge múmkindik beredi. Barlyǵy 2500-den astam adam oqytyldy.
Sonymen qatar, «Jumyspen qamtý jol kartasy» memlekettik baǵdarlamasy aıasynda júzege asyrylyp jatqan Aqbulaq shaǵyn aýdanyndaǵy skverdi aǵymdaǵy jóndeý jobasy tanystyryldy. Saıabaqta balalar men sport alańdary, jekpe-jek alańdary bar. Oryndyqtar, ýrnalar, kósheni jaryqtandyratyn 17 tirek ornatyldy. 1280 sh. m tósem tóseldi. Aýdan ákimi atap ótkendeı, bul saıabaqty qurý máselesi Almaty qalasy ákiminiń aýdan turǵyndarymen kezdesýi kezinde kóterilgen bolatyn.
«Osy saıabaqta balalarǵa arnalǵan jańa balalar jáne oıyn alańdary ornatyldy. Demeýshilerdiń kúshimen sportpen aınalysý úshin sporttyq manej saldyq. Búgingi tańda jattyǵýǵa sporttyń 6 túri qoljetimdi: taekvondo, karate, boks, kúres jáne kýdo», — dep atap ótti aýdan ákimi.
Bıyl 17 qyrkúıekte Alataý aýdanynda «Shyńǵa órleý» baǵdarlamasy aıasynda «Dombyra ortalyǵy» áleýmettik nysany ashyldy. Demeýshilerdiń kómegimen ortalyqqa qural-saımandar satyp alyndy. Ǵımaratqa jóndeý júrgizilip, irgeles aýmaq abattandyryldy. Ortalyqta dombyra oınaý daǵdylaryn 100 bala meńgeredi.
