Memleket basshysy Qasym-Jomart Toqaev ishki ister mınıstrliginiń keńeıtilgen alqa májilisinde qylmystyń órshýine jáne túrme «tártibiniń» taralýyna múlde jol bermeý qajettigin eskertti. Bul týraly Aqorda saıty málimdedi.

– Eldegi kúrdeli áleýmettik-ekonomıkalyq jaǵdaıda qylmystyń órshýine jáne túrme "tártibiniń" taralýyna múlde jol berýge bolmaıdy. Ondaǵy jaǵdaıdyń asa máz emes ekeni málim. Bas bostandyǵynan aıyrmaı jazalaýǵa qatysty túıtkilder bar. Mınıstrlik qylmystyq-atqarý júıesindegi máselelerdi sheshý boıynsha nátıjeli jumystar kórsetýi kerek, – dedi ol.

Prezıdent táýelsizdiktiń 30 jyldyǵyna oraı, zańǵa sáıkes, azamattarǵa jáne jalpy memleketke qaýip keltirmeıtin qylmys jasaǵan adamdarǵa amnıstıa jasalatynyn jetkizdi.

Sondaı-aq Toqaev Úkimetke elordalyq polısıa departamentine jańa ǵımarat salý máselesin tapsyrdy.