Fransıanyń ońtústiginde belgisiz bireý pyshaqpen adamdarǵa shabýyl jasaǵan dep habarlaıdy Qamshy.kz aqparat agenttigi euronews.com-ǵa silteme jasap. Shabýyl saldarynan eki adam qaıtys boldy, birneshe adam jaralandy. Nıssa meri Krıstıan Estrozı buny terrorlyq shabýyl dep atady.

Polısıanyń taratqan málimetine sáıkes, qylmysker  er men áıeldi shirkeýdiń ishinde óltirip, taǵy bir adamdy aýyr jaraqattaǵan. 

Shabýyl Fransıa ýaqytymen saǵat tańǵy 9-da, halyq kóp júretin kóshede jasalǵan. Fransıa prezıdenti Emmanýel Makron oqıǵa ornyna attandy.

Fransıanyń terorızmge qarsy departamenti istiń mán-jaıyn anyqtaý úshin tekserý jumysyn bastap ketti.

Aıta keteıik, 2016 jyly da Nıssada terrorlyq shabýyl jasalǵan. Lańkes otshashýdy kórýge kelgen qala turǵyndaryn júk kóligimen basyp ótken. Saldarynan 80 adam qaıtys boldy, 500 adam jaraqattandy.