Túrkıanyń batysynda bolǵan jer silkinisi saldarynan 24 adam qaza taýyp, 804 adam jaraqat aldy, onyń 743-i Izmırde, beseýi Manıste, ekeýi Balykesırde jáne 54-i Aıdynda. Bul týraly news-turk.ru habarlady. 

Qutqarýshylardyń aıtýynsha, zardap shekkenderdiń biri sýǵa batyp ketken. Izmırdegi qıraǵan 17 ǵımarattyń tórteýinde izdeý-qutqarý jumystary aıaqtaldy. 

6,6 baldyq jer silkinisi 30 qazanda juma kúni Egeı teńizindegi Seferıhısar aımaǵyna jaqyn jerde bolǵan. Jer silkinisiniń epısentri 16,54 km tereńdikte jatty. Jer silkinisinen keıin 296 jer asty dúmpýleri tirkeldi, onyń 27-si 4 baldan kúshti boldy.

Jer asty dúmpýleriniń saldarynan ondaǵan ǵımarat zardap shekken. İzdeý-qutqarý jumystaryna 4 myńǵa jýyq tótenshe jaǵdaı qyzmetkeri jumyldyrylǵan.