Búgin Túrkıanyń tótenshe jaǵdaılar basqarmasy Izmır provınsıasyndaǵy jer silkinisi qurbandarynyń sany 79 adamǵa jetkenin málimdedi. Bul týraly tass.ru saıty habarlady.

"Bizdiń 79 azamatymyz qaza tapty. 962 adam jaraqat alyp, onyń 743-i aýrýhanadan shyǵaryldy. Qazirgi ýaqytta 219 adam qajetti em alyp jatyr" delingen vedomstvo taratqan habarlamada.

30 qazan kúni Izmır provınsıasy Seferhısar aýdanyndaǵy Egeı teńiziniń jaǵalaýynda 16,5 shaqyrym tereńdikte jergilikti ýaqytpen 14.51-de jerasty dúmpýi bastalǵan. Keshe tótenshe jaǵdaılar basqarmasy 76 adamnyń qaıtys bolǵanyn habarlaǵan.

Jer silkinisi saldarynan Izmırde, kem degende 20 úı qulaǵan. Grekıanyń Nıon-Karlovası qalasynda da qıraǵan úıler bary anyqtalǵan. Túrkıanyń ekologıa jáne qala qurylysy mınıstri Murat Kýrým Túrkıa bıligi jeksenbide zardap shekkenderge materıaldyq kómek tóleı bastaǵanyn aıtty.