Premer-mınıstr Asqar Mamın Qyzylorda oblysynyń birqatar bilim berý jáne mádenıet uıymdaryna ataý berip, jańartý týraly qaýlyǵa qol qoıdy. Bul týraly QR premer-mınıstriniń resmı saıty habarlady.

QR Úkimetiniń 2020 jyldyń 28 qazanyndaǵy №712 qaýlysyna sáıkes Qyzylorda oblysynyń mynadaı bilim berý uıymdaryna:

1) Qyzylorda qalasy bilim bóliminiń "Óner mektebi" komýnaldyq memlekettik qazynalyq kásipornyna Múlkaman Qalaýovtyń esimi;

2) "Qarmaqshy aýdandyq bilim bóliminiń № 80 mektep-gımnazıasy" komýnaldyq memlekettik mekemesine Temirbek Júrgenovtiń esimi;

3) "Qarmaqshy aýdandyq bilim bóliminiń № 279 orta mektebi komýnaldyq memlekettik mekemesine Eleý Kósherbaevtyń esimi;

4) Jalaǵash aýdandyq bilim bóliminiń № 201 mektep-lıseı komýnaldyq memlekettik mekemesine ál-Farabıdiń esimi berilsin.

Sondaı-aq  Qazaly aýdandyq mádenıet ortalyǵyna Roza Baǵlanovanyń esimi berildi jáne Qyzylorda qalasyndaǵy "Murager mektebi"  "Abaı atyndaǵy úsh tilde oqytatyn daryndy balalarǵa arnalǵan mamandandyrylǵan synyptary bar mektep" bolyp aýysty.

Qaýly jarıalanǵan kúnnen bastap kúshine enedi.