Almaty qalasynyń sanıtarlyq-epıdemıologıalyq baqylaý departamenti saıtynda qalanyń bas sanıtar dárigeri Jandarbek Bekshınniń jańa qaýlysy jarıalandy.

Qujatta qazan aıynda KVI juqtyrý jaǵdaıy eki esege 165-ten 360-qa deıin óskeni aıtylǵan.

Koronavırýs ınfeksıasy jaǵdaılaryna epıdemıologıalyq tekserý júrgizildi. Nátıjesinde adamdar indetti ujymda, qoǵamdyq oryndarda, sonyń ishinde kópqabatty turǵyn úılerdiń kireberisterinde, qoǵamdyq kólikte juqtyrǵany jáne jasy 60-tan asqan adamdar jıi juqtyratyny anyqtaldy.

Qaýlyǵa sáıkes tómendegideı sharalar qabyldandy.

– aptasyna 3 ret kireberisterdi, kópqabatty úılerdiń baspaldaqtaryn, tutqalardy, qabyrǵalardy, esik tutqalaryna dezınfeksıa jasaý, balalar oıyn alańdaryn jáne turǵyndardyń demalatyn oryndaryn (oryndyqtar) úılerdiń aınalasyn kúndelikti tazalaýmen dezınfeksıalaý kerek;

– qoǵamdyq kólik ishin sońǵy aıaldamada mindetti túrde dezınfeksıalap, jýý kerek.

– ofıster men mekemelerdi kúndelikti dezınfeksıa jasaý qajet.