3 qarasha kúni Shymkentte "alyp qashý" qurbany bolǵan qyz terezeden sekirdi, dep habarlady otyrar.kz saıty.

Saıt málimetinshe, qaıǵyly oqıǵa Shymkent qalasynda keshki saǵat on shamasynda Respýblıka dańǵylyndaǵy №45 úıde bolǵan. 

– Qyzdyń keýde jáne bel omyrtqasy, jambas súıekteri synyp, ishki jaraqatymen №1 qalalyq aýrýhanaǵa jatqyzyldy, – dedi kýágerler.

Dárigerlerdiń aıtýynsha, qazir qyzdyń jaǵdaıy turaqty. Qyzdyń múgedek bolyp qalýy, ne ózdigininen júrip ketýi belgisiz.

Polısıa tergeý júrgizip jatyr. "Kúıeý jigitke"  ózine ózi qol salýǵa deıin jetkizý, adamdy bostandyǵynan zańsyz aıyrý jáne zorlaý baptary boıynsha aıyp taǵylýy múmkin. Kúdiktiniń ustalǵany jóninde polısıa ázir aqparat jarıalamady.