Prezıdent, qarýly kúshterdiń joǵarǵy bas qolbasshysy Qasym-Jomart Toqaev qorǵanys mınıstri Nurlan Ermekbaevtyń Qazaqstan qarýly kúshteriniń negizgi damý baǵyttary jónindegi baıandamasyn tyńdady. Bul týraly Aqorda saıty habarlady.

Resmv saıttyń málimetinshe, kezdesý barysynda Qazaqstan armıasynyń ınfraqurylymy men materıaldyq-tehnıkalyq bazasyn jetildirýdiń perspektıvalary jáne áskerdi ushqyshsyz basqarylatyn ushý apparattary, áýe shabýylyna qarsy qorǵanys quraldary syndy zamanaýı qarý-jaraq túrlerimen jabdyqtaý máseleleri qarastyrylǵan.

Qorǵanys mınıstri prezıdentke halyqaralyq áskerı yntymaqtastyq pen bitimgershilik is-qımyldardyń ahýaly týraly aqparat berdi. Sondaı-aq ol áskerı qyzmetshilerdiń turmystyq jáne áleýmettik jaǵdaıyn jaqsartý, olardy sapaly kıim-keshekpen qamtamasyz etý jumystary jóninde aıtty.

Joǵarǵy bas qolbasshy talqylanǵan máselelerdiń ózektiligin eskere otyryp, Qorǵanys mınıstrliginiń áskerı alqa otyrysyn uıymdastyrýǵa tapsyrma berdi. Jıynda 2020 jylǵy áskerı daıyndyqtyń qorytyndylary jasalyp, aldaǵy kezeńde atqarylatyn mindetter aıqyndalady.