Astanalyq jezóksheler úkimetke ótinish jasady. Olar sheneýnikterden kásipterin zańdastyryp berýdi talap etýde. Bul týraly "Qamshy" portaly KTK arnasyna silteme jasaı otyryp habarlaıdy.

Túngi kóbelekter de memleketke salyq tólep, qartaıǵanda jurt qatarly zeınetaqy alǵysy keledi eken. «Qyzmetimizden qazynaǵa tabys túsirip tursa, júzimiz jarqyn jáne eýropadaǵydaı erkin eńbek eter edik»,- deıdi túngi kóbelekter.

Jyn oınaqtyń ordasyna aınalǵan Astana vokzaly mańynan bir túnde júzge jýyq jezókshe ustalǵany týraly buǵan deıin de "Qamshy" portaly jańalyqtarynda jazǵan bolatyn.

Jezókshelikti ózine kásip qylyp, nápaqasyn aram oljadan taýyp júrgen túngi kóbelekter tún túndigin túre qalsa Astana vokzaly mańy turǵyndarynyń mazasyn alǵan syńaıly.Olar óziniń óreskel  isine ókinish artyp, túzelýdiń ornyna úkimetke jezókshelikti zańdastyrý týraly ótinishterin jetkizdi. Buǵan deıin de, bizdiń elde jezókshelikti zańdastyrý máselesi oqtyn-oqtyn kóterilip turǵan. Ony demograftar talaı minberden aıtty. Biraq, bul másele úkimet deńgeıinde eshqashan qarastyrylmaǵan.

Degenmen de, keshe vıse pemerdiń  minberden sóılegen málimetine súıensek, qazirgi  dıplom alǵan jastardyń 37% eki qolǵa bir kúrek tappaı júr. Teńgesi «deńgelek» aınalǵan almaǵaıyp zamanda jastardyń kóp bóliginiń  jumyssyz ekenin eskersek, tıyndy arǵa almastyryp, jeńil jolmen tabys kózdemesine kim kepildik ete alady?!  

Ejelden yrym men tyıymdy mise tutyp, namys pen uıatty júregine aq qyp baılaǵan ultymyzdyń ulaǵatyn umytyp, qanymyzǵa da arymyzǵa  da jat jezókshelikti  jeleý etý- olarǵa úkimet tarapynan rastaý  uıat, ata dinimiz úshin kúná. Eýropadan úlgi alarymz  da kóp, olarǵa qadar janarymyz da shoq bolyp tur. Kári qurlyq ekonomıka jaǵynan bolsyn, mádenıet jaǵynan bolsyn at basy alda ekenine aıtar daý joq, biraq keregin alyp, "bolmasyn" tastaý kerek.

Gúlden ÁBDİBAQYT

"Qamshy" silteıdi