9 qarasha kúni Reseıdiń Mı-24 áskerı tikushaǵy Armenıada Erasq eldi mekeniniń janynda apatqa ushyrady. Oǵan tasymaldanatyn zenıttik zymyran kesheninen oq atylǵan. Saldarynan tikushaq qulap, ekıpajdyń eki múshesi qaza tapty, bireýi ortasha aýyr jaraqatpen evakýasıalandy. Bul týraly RIA Novostı saıty habarlady.

Tikushaq Armenıa aýmaǵyndaǵy Reseı 102-shi áskerı bazasynyń avtotizbegine jol bastap bara jatqan.

Reseı qorǵanys mınıstrliginiń resmı ókili, general-maıor Igor Konashenkovtyń aıtýynsha, Mı-24 Armenıa mańyndaǵy áýe keńistiginde urys aımaǵynan tys jerde atylǵan.

Jelide tikushaq synyqtarynyń alǵashqy sýretteri, sondaı-aq qulaǵan sátte túsirilgen beınejazbalar paıda boldy. Sýretti Armenıa tótenshe jaǵdaılar mınıstrliginiń baspasóz qyzmeti taratty.

Ázerbaıjan syrtqy ister mınıstrligi Ázerbaıjan áskeri reseılik tikushaqty atyp túsirgenin moıyndap, oqıǵanyń kezdeısoq bolǵanyn habarlady. Baký oqıǵa úshin keshirim surap, Reseıge ótemaqy tóleýge daıyn ekenin málimdedi.

"Ázerbaıjan tarapy kezdeısoq sıpattaǵy jáne Reseı tarapyna qarsy baǵyttalmaǵan osy qaıǵyly oqıǵaǵa baılanysty Reseı tarapynan keshirim suraıdy.

Ázerbaıjan tarapy qaza tapqan ekıpaj músheleriniń otbasylaryna shyn júrekten kóńil aıtady, sonymen qatar zardap shekkenderdiń tezirek saýyǵyp ketýin tileıdi.

Ázirbaıjan tarapy tıisti ótemaqy tóleýge daıyn ekenin málimdeıdi" delingen SİM habarlamasynda.