Almaty. Qamshy - 25 tamyzda Aqtaý qalasynyń ákimdiginde QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń uıymdastyrýymen «Kásibı memlekettik apparat qurý» taqyrybynda semınar-keńes ótti, dep habarlady qalalyq ákimdiktiń baspasóz qyzmetinen. 

«100 naqty qadam» Ult Josparyna sáıkes - kásibı, avtonomdy memlekettik apparatty qalyptastyrýdyń 15 qadamy aıasynda Elbasy tarapynan maquldanǵan kelesi tujyrymdamalyq usynystar ázirlendi. 

Atap aıtqanda, memlekettik qyzmettiń mansaptyq modeline kóshý bolyp tabylady. Bul model aıasynda memlekettik qyzmetke alǵash qabyldanatyndar óz qyzmettik jolyn tek tómengi laýazymdardan bastaıdy. 2016 jyldyń 1 qańtarynan bastap eńbekaqy tóleýdiń faktorly - baldyq júıesine kóshýi qarastyrylýda. Memleketttik qyzmetkerdiń jumys sapasy men nátıjesine, sybaılas jemqorlyqqa tózimsizdik jáne tártiptilik sıaqty qasıetterine basa nazar aýdarylady. Memlekettik qyzmetkerlerdiń kásibı biliktiligin arttyrý maqsatynda úsh jylda keminde bir ret mindetti biliktiligin arttyrý zańdy túrde bekitý qarastyrylady.

Memlekettik apparatty damytý úshin «Memlekettik qyzmet týraly» jańa zań jasaqtalyp, tujyrymdamalyq tásilder qosa bekitiletin bolady. Sonymen qatar, jańa bilikti kadrlardy irikteý modeli aıasynda, mamandyǵy boıynsha biliksiz jáne jumysqa yqylassyz qyzmetkerlerdi boldyrmaý úshin, 2016 jyly memlekettik qyzmetkerler arasynda keshendi attestasıa júrgiziletin bolady,- dedi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti basshysynyń orynbasary - Tártiptik keńesiniń Tóraǵasy Murat Qadyrbek.

Derekkózi: Qazaqparat