Almatynyń bas sanıtar dárigeri Jandarbek Bekshın jańa qaýlyǵa qol qoıdy.

26 qazandaǵy №64 qaýlyǵa ózgerister engizildi. Osy ózgerister boıynsha, bıylǵy oqý jylynyń ekinshi toqsanynan bastap 300 oqýshyǵa deıingi, synyptardaǵy balalar sany 15 adamǵa deıingi qalalyq mektepterge dástúrli formatta oqýǵa kóshýge ruqsat etiledi. Jalpy bilim beretin mektepterde 1-den 5-synypqa deıingi kezekshi synyptarǵa, halyqaralyq mektepterde 7-synypqa deıin kezekshi synyptarda oqýǵa ruqsat etiledi.

Koronavırýsqa PTR-anyqtamasyz halyqtyń turýy boıynsha qyzmet kórsetý salasyndaǵy obektiler men uıymdardyń (qonaqúıler); PTR-anyqtamasy bolǵan kezde halyqtyń úsh kúnnen asa turýy boıynsha týrızm obektileriniń (demalys úıleri, sanatorııler, kýrorttar, týrbazalar) qyzmetine ruqsat etiledi.

19 qarashadan 30 qarashaǵa deıingi aralyqta "Medeý" muz aıdyny men "Shymbulaq" taý-shańǵy kýrortynyń testilik rejımdegi qyzmetine ruqsat etiledi. 

10 qarashadan bastap zalda 50 paıyzdan aspaıtyn, al sanıtar erejesi qatań saqtalǵan zalda 100 adamnan aspaıtyn teatrlardyń qyzmetine ruqsat etildi.

10 qarashadan bastap juma namazyn qospaǵanda, dinı obektilerde ujymdyq qulshylyq etýge, meshitterde namaz oqýǵa ruqsat etiledi. Dinı oryndardyń 30 paıyzyna deıin tolyqtyrylyp, naqty 100 adamnan aspaǵan jaǵdaıda sanıtar erejelerin qatań saqtasa, ruqsat etiledi.

Oıyn-saýyq ortalyqtary jáne saýda úıleriniń qyzmeti saǵat 22.00-ge deıin ruqsat etiledi. Saǵat 17.00-ge deıin azyq-túlik satpaıtyn bazarlar men jabyq azyq-túlik bazarlaryna jumys isteýge ruqsat etiledi.

Sondaı-aq saǵat 7:00-den 22:00-ge deıin qoǵamdyq tamaqtaný oryndaryna 50 adamǵa deıin tolyqtyrýǵa ruqsat etiledi. Alaıda ujymdyq is-sharalardy ótkizýge tyıym salynady.