Almaty qalasynyń óńirlik komýnıkasıalar qyzmeti megapolıstiń barlyq turǵyndary men qonaqtaryn COVID-19 vırýsyna qarsy kúres sharalaryn tanymal etý jónindegi áleýmettik jobaǵa qatysýǵa shaqyrady.

Jobanyń maqsaty - koronavırýstyń jańa tolqyny, respıratorlyq aýrýlardyń ósý qaýpi qarsańynda turǵyndarǵa sanıtarlyq normalardy, ásirese maska rejımin saqtaýdyń mańyzy, pandemıamen kúreste aldyńǵy qatarda turǵan jandardyń (medısına qyzmetkerleri, epıdemıologtar, polısıa qyzmetkerleri, eriktiler jáne basqa) jumysynyń qundylyǵy jáne olardyń densaýlyǵy úshin jaýapkershilik týraly eske salý.

«Kez kelgen adam qalanyń koronavırýspen kúresine degen kózqarasyn bildiretin 5 fotosýretke deıin nemese basqa grafıkalyq sýretterdi (karıkatýra, ılústrasıalar) jibere alady. Jiberilgen fotosýretterdiń sapasy keminde 300 dpi bolýy kerek» delingen ákimdik taratqan aqparatta.

Joba myna kezeńderden turady:

– jobaǵa qatysýǵa ótinim (oǵan jumystardy jiberý, aty-jóni jáne baılanys derekteri kiredi);

– jumystardy irikteý, qalanyń 8 aýdany aýmaǵynda fotoónimderdi ornalastyrý;

– qorytyndy shyǵarý jáne úzdik jumystardyń avtorlaryn marapattaý (baılanyssyz formatta).

Berý formattary:

– JPEG; – eń az ruqsat etilgeni 300 dpi;

– eń úlken mólsheri 10 Mb artyq emes.

Ótinim 25 qazanǵa deıin qabyldanady. Jumystardy photovystavka@mail.ru elektrondy poshtasyna nemese Almaty qalasy óńirlik komýnıkasıalar qyzmetiniń poshtasyna info@rsk.almaty.kz poshtasyna joldaý qajet.