Qazaqstan komýnıstik halyq partıasynyń ataýy ózgerip, rebrendıng jasaldy. Endi QKHP «Qazaqstannyń halyq partıasy» dep atalatyn bolady, dep habarlady partıa hatshysy.

– Biz bıyl partıamyzdyń ataýyn ózgertip, rebrendıng jasaýdy jón kórdik. Búgingi partıanyń kezekten tys XV seziniń basty jańalyǵy, bizdiń partıamyzdyń ataýynyń «Qazaqstannyń halyq partıasy» bolyp ózgerýi. Bul degenimiz komýnıstik ıdeologıadan ketý degen sóz emes, bizdiń elimizdegi áleýmettik máselelerge kóp mán berýimizben baılanysty. Elimizdegi sheshilýi tıis máselelerdiń kóbi áleýmettik salamen baılanysty. Taǵy bir partıa músheleriniń qataryn keńeıtý, baǵdarlamamyzdyń aıasyn keńeıtýdi kózdeımiz. Sondaı-aq, biz partıalardyń qatarynda joq, biraq ózindik ıdeıalary bar azamattardy óz partıamyzǵa shaqyramyz, – dedi QKHP-nyń hatshysy Jambyl Ahmetbekov.

Nur-Sultan qalasynda Qazaqstan komýnıstik halyq partıasynyń kezekten tys XV sezi ótip jatyr.