Shetelde júrgen qazaqstandyqtar 2021 jyldyń 10 qańtarynda ótetin parlament májilisi depýtattarynyń kezekti saılaýyna qatysa alady. Bul týraly syrtqy ister mınıstrliginiń resmı saıty habarlady.

53 memlekette Qazaqstan azamattarynyń saılaý quqyǵyn qamtamasyz etý úshin  66 saılaý ýchaskesi ashylady.

"QR saılaý týraly konstıtýsıalyq zańynyń 24-baby 8-tarmaǵyna sáıkes, Qazaqstannyń shet memleketterdegi ókildikteri janyndaǵy saılaý ýchaskeleri boıynsha saılaýshylar tizimi daýys berý kúnine deıin ózektendiriledi" delingen habarlamada.

Mınıstrliktiń málimdeýinshe, sheteldegi saılaý prosesin ýaqtyly jáne tolyqtaı daıyndaý maqsatynda Qazaqstan azamattary jaqyn mańdaǵy saılaý ýchaskesine aldyn-ala habarlasyp, saılaýshylar tizimine engizý úshin málimet berýi qajet.