Qostanaımen kórshi Chelábi oblysyndaǵy Máskeý-CHelábi tas jolynyń boıynda alty avtomobıl qaqtyǵysqan iri jol-kólik apaty oryn aldy. Sonyń saldarynan 6 adam qaza tapty. Bul týraly "Qamshy" portaly egemen.kz-ke silteme jasaı otyryp habarlaıdy.
Kólikterdiń arasyndaǵy Volvo júk kóliginde 1986 jyly týǵan qazaqstandyq bolǵan. DAF júk kóliginiń júrgizýshisi Qorǵan oblysynyń turǵyny, 1966 jylǵy azamat tizgine ıe bola almaı, Chelábi oblysynyń 1992 jyly týǵan turǵyny júrgizip kele jatqan KIA Carens, Krasnoıarsk oblysynyń 1976 jyly týǵan turǵyny júrgizip kele jatqan Honda Freed avtomobılderine soqtyǵysady, sonyń saldarynan mashınalar joldan tómenge ushyp ketedi.
Munan keıin DAF júk kóligi VAZ-2115, Mitsubishi Pajerojáne Ford Focus jeńil mashınalaryna soqtyǵysady, tórt mashına baryp, rólinde qazaqstandyq azamat kele jatqan Volvo júk mashınasyna soqtyǵysady. Sońynda barlyq 4 mashına otqa oranady.
Apattyń saldarynan VAZ-2115 kóligindegi 4 jolaýshy, Mitsubishi Pajero kóliginen eki adam sol jerde qaza boldy. KIA mashınasynyń júrgizýshisi men Honda kóliginiń jolaýshysy túrli jaraqattarmen aýrýhanaǵa jetkiziledi.
Aldyn ala málimetterge qaraǵanda, qaıǵyly iri apatqa DAF júk kóligi tejegishiniń isten shyǵýy sebepker bolsa kerek. Qazaqstandyq azamattyń óli-tirisi, kim ekendigi jóninde málimet joq.
"Qamshy" silteıdi
