Jaqynda Petropavlsk kósheleriniń birinde provokasıalyq jarnama banneri paıda bolǵan. Mektep jabdyqtaryn satýmen aınalysatyn dúkenniń qabyrǵasynda «mektep formalary» (Shkolnaıa forma) dep jazylǵan jartylaı jalańash er men áıeldiń sýreti beınelengen. Bul týraly «Qamshy» portaly tengrinews.kz-ke silteme jasaı otyryp habarlaıdy.

Tengrinews-tiń jazýynsha qabyrǵasynda jartylaı jalańash er men áıeldiń qushaqtasyp jatqan sýreti bar dúken shyn máninde mektep jabdyqtaryn satýmen aınalysady. Atalmysh bannerdiń joǵarǵy jaǵynda qarapaıym kıingen kishkene ul men qyzdyń sýreti de beınelengen. Turǵyndardyń aıtýynsha, ádettegi jarnamalardaǵy sekildi, mektep jasyndaǵy qyz bala men uldyń sýreti beınelengen bannerdi kórý úshin birshama qashyqtyqqa uzaýy kerek.

Buǵan narazy bolǵan ata-analar dúken qojaıynyna shaǵymdanǵan. Al dúken qojaıyny aǵattyq ketkenin moıyndap, tez arada shara qoldanatynyn aıtqan.

«Bul jerde bir keleńsizdik oryn alyp otyr. Úılesimdilikti saqtamaǵan ekenbiz. Biz muny moıyndaımyz jáne tez arada túzetetin bolamyz. Bul qıyn sharýa emes»,-deıdi dúken qojaıyny Sergeı Sakıro.

Nurzat Toǵjan