Belgili jýrnalıs Ermurat Bapı Shoqan Ýálıhanov alańynda ótetin mıtıńke bara jatqanda ustaldy. Bul týraly jýrnalıs Baqytgúl Mákimbaı facebook paraqshasynda jazdy..
"Shuǵyl! "DAT" medıa jobasynyń jetekshisi, táýelsiz jýrnalıs Ermurat Bapıdy búgingi mıtıńige qatystyrmas úshin, Medeý aýdandyq polısıa departamentine alyp ketti. Dál qazir ákimshilik sotqa aparyp sottamaq bolyp jatyr. Advokattar, qoǵam belsendileri qoldaý kórsetińizder" delingen jýrnalıs jazbasynda.
Búgin saǵat 12:00-de Almatydaǵy Shoqan Ýálıhanov atyndaǵy alańda Demokratıalyq partıa bastamashyl toby men "Base" youtube arnasy mıtıń ótkizbek. Beıbit jıyn týraly Almaty qalasy ákimdigine eskertilip, oǵan ruhsat berilgen.
Azamattyq belsendiler "jer satylmasyn", "nesıe amnıstıasy jarıalansyn", "alda bolatyn májilis saılaýyna baıkot jarıalaý", "saıası tutqyndardy bosatý" talaptaryn qoımaq.
Pikir qaldyrý