Búgin Almatydaǵy Shoqan Ýálıhanov atyndaǵy alańda Demokratıalyq partıa bastamashyl toby men "Base" youtube arnasy beıbit mıtıń ótkizip jatyr. Azamattyq belsendiler "jer satylmasyn", "nesıe amnıstıasy jarıalansyn", "alda bolatyn parlament saılaýyna boıkot jarıalaý", "saıası tutqyndardy bosatý" talaptaryn qoıyp jatyr.
Alańda azamattyq belsendi, jýrnalıs Rysbek Sársenbaı sóz aldy.
– Bizge aram saılaýdyń túkke de keregi joq! Biz saılaýǵa qatysýdan ashyq túrde bas tartýymyz kerek! Sonda da saılaý júrgizilse, burmalanǵan parlament dep bas tartý kerek! Ol zańsyz saılaý deýimiz kerek! Sonda kúres qaıta jalǵasady. Biz jeńiske baratyn joldy tazalaýymyz kerek! Nazarbaevtyń qısyq zańdaryn túzettirýimiz kerek!
El qazir birigetin jaǵdaıda emes. Biri biz sekildi saılaýǵa qarsy baıkot jarıalasa, endi biri adasýshylyqpen saılaýǵa barý kerek dep otyr. Bul – ómirdiń shyndyǵy. Ekige aıyrylyp turmyz! – deıdi jýrnalıs.
Pikir qaldyrý