Qostanaı oblysynyń ortalyǵyna blok-beketter qoıyldy. Bul týraly Polisia.kz habarlady.

Bas sanıtar dáriger V. Nechıtaılonyń qaýlysyna sáıkes, oblysqa kirip-shyǵý úshin azamattardyń arnaıy móri bar ruqsatnama qujaty bolýy tıis.

Polısıa qazirgi ýaqytta blok-beketterdiń qalaı jumys istep jatqanyn túsindirdi.

– Biz ádettegideı jumys istep jatyrmyz. Búginge deıin qyzmetkerlerimiz 2,5 myń avtokólikti tekserdi, onyń 200-ge jýyq kólikke qaladan shyǵýǵa ruqsat bermedi. Óıtkeni qoldarynda ruqsatnama qujaty  bolmady jáne qaladan shyǵý úshin naqty sebebi joq, – deıdi No1 blok-bekettiń aǵa qyzmetkeri Asqar Bagasov.

Polısıa qyzmetkeriniń aıtýynsha, árbir is jeke-jeke qaralady. Eger de azamattar em alýǵa nemese jaqyn týysynyń jerleý rásimine baratyn bolsa, onda onyń rastaıtyn qujaty bolýy qajet.

Sonymen qatar ol termometrıadan ótpegen jolaýshylar qaladan shyǵa almaıtynyn atap aıtty.

Qazir Qostanaı oblysynyń aýmaǵynda 20 sanıtarlyq blok-beket jumys istep tur, onyń jeteýi Qostanaı qalasy aýmaǵynda ornalasqan.

Jańa qaýly. Qazaqstannyń birqatar óńirinde karantın kúsheıtildi