Nur-Sultandaǵy dámhanada joıqyn jarylys bolyp, bir adam qaza boldy. Bul týraly tótenshe jaǵdaılar mınıstrliginiń baspasóz qyzmeti habarlady.
Oqıǵa búgin saǵat 12:25 shamasynda bolǵan. Órt kezinde úıde 15 gaz balon bary anyqtaldy.
"Jarylys saldarynan as bólmesiniń tóbesi opyrylyp túsken. Saldarynan 1 adam qaza boldy, 33 adam zardap shekti. Olar túrli dene jaraqatyn alǵan. Qazirgi ýaqytta olardyń barlyǵy jedel járdem qyzmetimen qala aýrýhanalaryna jetkizildi.
20 sharshy metrdi sharpyǵan órt saǵat 12:58-de sóndirildi" dep habarlady qalalyq tótenshe jaǵdaılar departamenti.
Oqıǵaǵa Nur-Sultan qalalyq TJD, apattar medısınasy ortalyǵynyń 34 qutqarýshysy jáne 10 birlik tehnıka jumyldyryldy.
Pikir qaldyrý