Memleket basshysy Qasym-Jomart Toqaev Qaraǵandy oblysyna jumys saparymen keldi. Bul týraly prezıdenttiń baspasóz hatshysy Berik Ýálı facebook paraqshasynda jazdy.
Onyń habarlaýynsha, prezıdent sapar barysynda qurylysy bıyl aıaqtalǵan bilim jáne sport ortalyqtarynyń jumysymen, pandemıa kezindegi óńirde bilim berý prosesin uıymdastyrý isimen tanysady.
"Memleket basshysy birqatar ındýstrıaldy óndiris oryndaryn aralap kórip, aımaqta júzege asyrylyp jatqan iri ınvestısıalyq jobalarmen jáne "Saryarqa" arnaıy ekonomıkalyq aımaǵynyń damý barysymen tanysady dep josparlanǵan. Sonymen qatar "ArselorMıttal Temirtaý" metalýrgıalyq kombınatyna barady" dep jazdy berik Ýálı.
Pikir qaldyrý