Qazaqstannyń premer-mınıstri Asqar Mamın QR aýmaǵynda koronavırýs ınfeksıasynyń taralýyna jol bermeý jónindegi vedomstvoaralyq komısıanyń selektorlyq otyrysyn ótkizdi, dep habarlady premer-mınıstr resmı saıty.

Koronavırýspen syrqattanýshylyqtyń ósýi Qazaqstannyń barlyq óńirlerinde derlik tirkeldi. Vırýstyń reprodýktıvtilik kórsetkishi respýblıka boıynsha 1,07 quraıdy.

Infeksıalyq tósek-oryndardyń tolyǵýy – 22%, reanımasıalyq tósek-oryndardyń tolyǵýy – 17%. "Qyzyl aımaqta" 5 óńir qalyp otyr: Shyǵys Qazaqstan, Pavlodar, Qostanaı, Soltústik Qazaqstan, Aqmola oblystary.

"Sary aımaqta" 2 óńir bar: Batys Qazaqstan oblysy jáne Nur-Sultan qalasy.

Úkimet basshysy densaýlyq saqtaý, ındýstrıa mınıstrlikterine ákimdiktermen birlesip, medısınalyq jabdyqtardy jetkizýdi aıaqtaýdy jáne ınfeksıalyq stasıonarlardyń reanımasıalyq bólimshelerin tolyq jabdyqtaýdy qamtamasyz etýdi tapsyrdy.