"Nur Otan" partıasynyń tóraǵasy Nursultan Nazarbaev "Nur Otan" partıasynyń saıası keńesi búrosynyń otyrysyna qatysty dep habarlady elbasy.kz saıty.

Jıynda Nazarbaev sońǵy bes jyl ishinde partıa óziniń saılaý aldynda bergen ýádeleriniń basym bóligin oryndaǵanyn atap ótti.

– Fraksıa otyrysynda "Nur Otan" partıasynyń "Qazaqstan-2021: Birlik. Turaqtylyq. Jasampazdyq" atty saılaýaldy baǵdarlamasynyń oryndalýy týraly Úkimettiń esebi tyńdaldy. Pandemıaǵa jáne soǵan baılanysty álemdik ekonomıkanyń 4,4 prosentke, keıbir damyǵan elderde 10 prosentke quldyraǵanyna qaramastan, biz tıimdi jumystyń jáne ulttyq qor qarajatynyń arqasynda mundaı kúrdeli jaǵdaılardy aınalyp óte bildik, – dedi Nursultan Nazarbaev.